DAF, Hogaamiyaha Mucaaradka Ee Dalka Djibouti Oo Geelle Ka Hadlay
Hogaamiyaha xisbiga mucaaradka ah ee MRD ee dalka Djibouti Daahir Axmed Faarax,
ayaa ku eedeeyay Madaxweynaha dalkaas Ismaaciil Cumar Geelle in uu dadaal ugu jiro sidii u kala qaybin lahaa deegaamada Somaliland, isaga oo abaabuliya kooxo doonayo in ay dhisaan maamulo wadanka lagu khal-khalgelinayo.
Daahir Axmed Faarax(Daaf) oo caawa khadka Telefoonka Magaalada Brussels ee xarunta dalka Belguim ugu waramayay shabakada wararka ee Ramaasnews, ayaa sheegay in xukuumada Madaxweyne Geelle, ay wado nidaam siyaasadeed oo ay ku wiiqayso Somaliland oo ah dhul ay ka jiraan nabad iyo xasilooni ka qayb qaadatay degnaanshaha gobolka Geeska Afrika, waxaana uu ugu baaqay dadweynaha reer Somaliland in ay ka feejignaadaan shirqoolada Geelle dalkooda u maleegayo.
Waxaana uu wareysigu u dhacay sidan:
S. Daahir waa Maxay aragtida xisbiga MRD ee ku saabsan qorshaha xukuumada dalkaagu ay ku martigelinayso kooxaha ka soo horjeeda gooni isu taaga Somaliland oo dhawaan uu Madaxweyne Ismaaciil Cumar Geelle martiqaad u fidiyay sida ay ay ku warameen qaar ka mida warbaahinta gobolku?
J. Somaliland waa ummad nabad ku nool, waana ummad isku duuban, iyaga ayay u taallaa in ay arrimahooda ka tashashadaan, maaha in la farogeliyo oo khilaafaad laga abuuro sida uu Nadaxweyne Geelle wado, waana wax u yaalla iyaga in ay ka tashadaan nabada iyo cadaaladda ay haystaan, ninka Ismaaciil walaal waxa uu wadaa wax aanan fahmi karin oo isaga ayaa burburinaya Somaliland, marka uu kuwa ka soo horjeeda casuumayo, waa daalin aan la ogayn shacabkayaga uu gumaystaa, Somaliland-na ku darsan maayo waa dal jira oo aqoonsi uun u baahan sidaan qabno.
S. sidee ayuu burburin karaa Madaxweynuhu Somaliland, ma cid kale ayuu garab siinayo sida kooxaha doonayo gooni u goosadka dhulkooda oo la hubaynayaa?
J. Waan hubaa in uu waxaas wado oo waxkasta siinayo cadwoga Somaliland, maaha nin la aamin karo, maxaa uu Awdal State iyo kuwii Taleex lagaga dhawaaqay uu wadanka ugu yeedhayaa? Dee waxa jira iska garta idinkaa la idin soo weerarayaaye waxa uu ka xun yahay nabadiina iyo horumarkiina, markaas waa suurtagal in la soo hubeeyo jabhado ka dagaalamo gudaha Somaliland oo caalamka la yidhaahdo waa dad la dulmiyayo sida uu ugu qarafaysto dhibaatada Sooomaaliya oo imikana ciidan u diray
S. Somaliland iyo Djibouti waa laba dal oo deris ah, inkastoo muran siyaasadeed hadheeyay cilaaqaadkooda 20-kii sanno ee u dambeeyay,laakiin in abuuro mucaarad taageero ka helaya Djibouti maxay tahay danta ku jirtaa?
j. Waa xumaan abuur uun ee wax kale maaha, necebka Somaliland ayaa quluubtiisa ka buuxda, oo xilligana waxa uu helay dan kale oo wax ugu soo kordhayaan burburka Hargeysa, walaahi dadkiinu waa yaaban yihiin oo qolodiinu waa war-warsan tahay waxa uu odaygaas kaligii taliyaha ahi samaynayo”
S. Haddii aan bal ka yara leexano siyaasada dalalkan, adigu Daahir Axmed Faarax ahaan waxa aad tahay hogaamiyaha xisbiga MRD oo musaafuris ahaan ugu nool wadanka Belguim xisbigaagu taageero muuqata kuma laha gudaha Djibouti, markaas maxay tahay mucaaradnimadaadu, maadaama oo aanad dalka soo geli Karin.
“Madaxweyne Geelle kun olole ayuu nagu wadaa maxay ahaydeey oo joogto ayuu nagu wadaa, waa kaligii taliyaha , taasina waxa ay muujinaysaa inuu run ahaantii naga aarsanayo,laakiin taageerada aanu ka haysanyo shabciga reer Djibouti mid Madaxweynuhu wax yeeli karo, shacbiguna dadka way kala yaqaanaan . xisbi kasta iyo urur kasta , hogaamiye siyaasadeed kastaaba waa la yaqaano waxa uu qabto, xisbiyagu 20 sanno ayuu jiraa, dalka iyo dadka ayuu u shaqeeyaa, afkaasaan ku hadlayaa.
Haddalka hogaamiyaha mucaaradka Djibouti, ayaa ku soo beegmaya xilli ay dalkaas booqashooyin ku tagayaan madaxda maamulada Awdal State iyo Khaatumo oo doonayo in ay dhulka ay beelahoodu degaan hoosgeeyaan dawlada federal-ka Soomaaliya, waxaana y tallabaadaas curyaamin kartaa wada shaqayn Somaliland iyo Djibouti ee dhinacyada siyaasada iyo amaanka.
Filed Under: News
Barnaamij 04:00 GMT
Sida loo dhagaysto
